汉藏对照《红楼梦》出版发行

时间: 2025-07-24

中国古典文学巅峰之作《红楼梦》首部汉藏对照版（加拼音标注）近日已由民族出版社出版发行。汉藏双语音频光盘由民族音像出版社同步出版。

གཞུང་འདིའི་བྱེད་པོ་མཁས་པའི་དབང་པོ་ཚའོ་ཞུའེ་ཆིན་ནི་ཧ་ལམ་སྤྱི་ལོ་1715ལོ་ནས་སྤྱི་ལོ་1763ལོའི་བར་ལ་འཚོ་གཞེས་མཛད་ལ། རུས་ལ་ཚའོ་ཞེས་པ་དང་མིང་ལ་ཀྲན། ཡི་གེ་མེང་རོན་དང་བཏགས་མིང་ལ་ཞུའེ་ཆིན་ཞུ་བ་དང་། གོང་མ་ཁང་ཞི་ཁྲི་ལོ་ང་བཞི་པ་སྤྱི་ལོ་1715ལོ་སྟེ་བོད་རབ་བྱུང་བཅུ་གཉིས་པའི་ཤིང་མོ་ལུག་ལ་ཡབ་ཚའོ་ཡུང་དང་ཡུམ་མ་ཧྲིའི་སྲས་སུ་ཡུལ་ནན་ཅིང་གྲོང་ཁྱེར་དུ་སྐུ་འཁྲུངས་ཤིང་། ཡབ་མེས་མི་རབས་གསུམ་དང་སྔ་གཞུག་ཏུ་མི་བཞི་ཡིས་འབྲི་ཆུའི་ལྷོ་ཕྱོགས་སུ་གོང་མའི་དར་གོས་འཐག་ལས་ཀྱི་འགོ་འདོམས་པ་ལོ་དྲུག་ཅུ་ཙམ་ལ་བྱས་པ་དང་། གོང་མ་ཁང་ཞི་ཐེངས་མ་དྲུག་ལ་འབྲི་ཆུའི་ལྷོ་ཕྱོགས་སུ་བསྐོར་ཞིབ་བྱས་པ་ལས་ཕེབས་ཐེངས་བཞི་ལ་ཚའོ་ཚང་གི་ཁྱིམ་དུ་སྣེ་ལེན་བྱས་ཤིང་བཞུགས་སྒར་བརྒྱབ་མྱོང་ལ། ཚའོ་ཞིའི་ཆུང་མ་སུན་ཧྲི་ནི་གོང་མ་ཁང་ཞི་ཡི་ནུ་བྱིན་མ་མ་བྱས་པ་དང་། བུ་ཚའོ་དབྱིན་ནི་གོང་མ་སྐུ་ན་ཕྲ་དུས་ཀྱི་སློབ་གྲོགས་དང་ཞབས་ཞུ་པ་བྱེད་མྱོང་བས་འབྲེལ་འདྲིས་ཤིན་ཏུ་ཟབ་བོ། །ཚའོ་ཞུའེ་ཆིན་ལོ་ན་ཆུང་བའི་དུས་ནས་བཟུང་གཞུང་དང་བསྟན་བཅོས་རྒྱ་མཚོའི་ཕ་རོལ་ཏུ་སོན་ལ། བཅད་ལྷུག་སྤེལ་མའི་སྙན་ངག་དང་རྩོམ་ལ་སྦྱངས་པ་ཆེ་བ་དང་། བརྐོ་དཀྲོལ་དང་མཛེས་རིས་སོགས་ལའང་བྱང་ཆུབ་པར་གྱུར། ཁོང་གི་བརྩམས་ཆོས་ལ་རྡོ་ཡི་བྱུང་བ་བརྗོད་པའམ་རྗེས་སུ་ཐོག་ཁང་དམར་པོའི་རྨི་ལམ་ཞེས་བཏགས་པ་དེ་ལས་གཞན་ད་རུང་ཐེའུ་བརྐོ་ཐབས། རྔོ་བ་བརྟག་ཐབས། རལ་གྲིའི་རིག་པ། མཛེས་བྱད་སྐྲུན་ཐབས། འཐག་འཚེམ་གྱི་རིག་པ། ཚོས་འདེབས་པའི་ཐབས། དཀྲོལ་གྱི་རིག་པ། བཟའ་བཏུང་གཡོ་བསྐོལ་བྱེད་ཐབས་སོགས་བརྩམས་ཆོས་ཡན་ལག་བརྒྱད་ཡོད་ཅེས་ཡོངས་སུ་གྲགས་སོ། །གོང་མ་ཁང་ཞི་སྐུ་འདས་པའི་རྗེས་སུ་ཡུང་ཀྲེང་ཁྲིར་འཁོད་ཅིང་དེས་ནང་འགལ་རྩ་མེད་གཏོང་བའི་སླད་དུ་འགལ་ཕྱོགས་ཀྱི་མི་མང་པོའི་ཚེ་སྲོག་ལ་བབས་པ་དང་། ཚའོ་ཡི་རིགས་རྒྱུད་ལའང་བསྙད་ཕོག་ནས་ཁྱིམ་བཤེར་བྱས་པར་མ་ཟད། གོ་གནས་ཕྱིར་འཐེན་བྱས་པ་དང་། ཁྱིམ་གཞིའང་པེ་ཅིན་མཁར་དུ་སྤོ་དགོས་བྱུང་། དེ་ནས་བཟུང་དགུང་ལོ་བཅུ་གསུམ་ཙམ་ལས་ལོན་མེད་པའི་ཚའོ་ཞུའེ་ཆིན་གྱི་ལུས་ལ་དར་གོས་ཀྱིས་བཏུམས་པ་དང་། རིན་ཆེན་རྒྱན་ཆ་སྣ་ཚོགས་ཀྱིས་སྤྲས་པ། རོ་བརྒྱའི་བཟའ་བཏུང་ལ་ལོངས་སྤྱོད་པའི་དུས་ནི་འདའ་བར་གྱུར་སོང་ངོ་། །རེ་ཞིག་ནས་ཕ་ཚའོ་ཡུང་ལ་སླར་ཡང་ཕོ་བྲང་ནང་མའི་དཔོན་རིགས་ཀྱི་ཆོ་ལོ་སྤྲད་ནའང་ཅང་མ་འགོར་བར་ནང་འགལ་རྩོད་རྙོག་བསླངས་དུས་སུ་སླར་ཚའོ་རིགས་ཁྱིམ་རྒྱུད་ལ་ཐེངས་གཉིས་པའི་སྔོག་བཤེར་བྱས་ཏེ་ཚའོ་རིགས་ལ་ཉམས་རྒུད་ཆེན་པོ་ཐེབས་ཏེ་པེ་ཅིན་མཁར་ནས་གནས་སྤོས་ཏེ་ནུབ་ཕྱོགས་བས་མཐའི་རི་བོ་དྲི་བཟང་འཐུལ་བ་ཞེས་པར་སྤོས་ནས་སྤྱིལ་བུ་ཐབས་ཆག་ཅིག་བརྒྱབ་ནས་ཉམས་ཐག་གི་འཚོ་བ་རོལ་བཞིན་མཆིས་སོ། །སྐབས་དེར་ཁོང་གིས་མི་ལོ་བཅུ་ཕྲག་ལ་དཀའ་བ་ཁྱད་དུ་བསད་ཅིང་ངལ་བ་དང་དུ་བླངས་ཏེ་རྡོ་ཡི་བྱུང་བ་བརྗོད་པའམ་ཐོག་ཁང་དམར་པོའི་རྨི་ལམ་ཞེས་པའི་ལེའུ་བརྒྱད་ཅུའི་བདག་ཉིད་ཅན་འདི་ཕྱག་རྩོམ་མཛད་དེ། སུག་བྲིས་བྱས་པའི་དེབ་མི་འདྲ་བ་སྣ་ཚོགས་ཤིག་མི་དྲག་སྐུ་དྲག་དང་མཁས་པ་མང་པོའི་མདུན་དུ་ས་ཁྱབ་རྡོ་ཁྱབ་བྱས་སོ། །

《红楼梦：汉藏对照》（1-8册）作者 | 曹雪芹译者 | 果洛南杰

书号 | ISBN 978-7-105-17188-0/I·3252 定价 | 660元出版发行 | 民族出版社

རྡོ་ཡི་བྱུང་བ་བརྗོད་པའམ་ཐོག་ཁང་དམར་པོའི་རྨི་ལམ་ཞེས་བྱ་བའི་གནའ་གཞུང་རྩོམ་རིག་གི་བརྩམས་ཆོས་ཆེན་མོ་འདི་ནི་ཀྲུང་གོའི་བཀས་བཀོད་རྒྱུད་འཛིན་སྤྱི་ཚོགས་ཡོངས་ཀྱི་མཇུག་མ་སྟེ། ཆིང་རྒྱལ་རབས་ཀྱི་རྩོམ་རིག་གར་སྟེགས་སྟེང་གི་ཆེས་ངོ་མཚར་རྨད་དུ་བྱུང་བའི་བརྩམས་ཆོས་རླབས་ཆེན་ཞིག་རེད་ལ། དེས་བསམ་བློ་དང་སྒྱུ་རྩལ་སྟེང་བླངས་པའི་བླ་ན་མེད་པའི་གྲུབ་འབྲས་ནི་ཀྲུང་གོའི་བརྩམས་ཆོས་ཐམས་ཅད་ཀྱི་ཡང་རྩེར་སོན་ཡོད་པ་ནི་དཔེར་ན། ཀྲུའུ་ཞི་མའོ་ཙེ་ཏུང་གིས་ང་ཚོ་ཀྲུང་གོ་ལ་དཔེ་ཆ་གཅིག་ཡོད་དེ་མིང་ལ་ཐོག་ཁང་དམར་པོའི་རྨི་ལམ་ཞེས་བྱ་ཞེས་གདེང་འཇོག་མཐོན་པོ་མཛད་པ་བཞིན་ནོ། །བརྩམས་ཆོས་འདིའི་ནང་དུ་ཅ་ཚང་གི་རིགས་རྒྱུད་གཙོ་བྱས་པའི་ཁྱིམ་རྒྱུད་ཆེན་པོ་བཞིའི་དར་རྒུད་ཀྱི་རྣམ་པ་བརྗོད་བྱ་བྱས་ཏེ་སྲས་པའོ་ཡུས་དང་སྡུག་གུ་མ་ལིན་ཏའེ་ཡུས་གཉིས་བར་གྱི་བརྩེ་དུང་གི་རྣམ་པ་དང་སྲས་པའོ་ཡུས་དང་གཞོན་ནུ་མ་པའོ་ཁྲའེ་གཉིས་གཉེན་སྒྲིག་བྱས་པའི་ངང་ཚུལ་སྐྱོ་འོས་པ་བྲིས་པ་བརྒྱུད་དེ་སྐྱེ་ཁུངས་མི་འདྲ་བའི་བུ་མོ་བརྒྱ་ཕྲག་གི་ལས་དབང་དང་བདེ་སྡུག་གཟུགས་ཅན་བཞིན་དུ་བྲིས་ཤིང་། ཁྱིམ་རྒྱུད་དང་ཁྱིམ་རྒྱུད་བར་གྱི་འགལ་ཟླ་རྣམ་པ་སྣ་ཚོགས་དང་། ཕན་ཚུན་བར་དུ་ཕོག་ཐུག་འགྲོ་ཚུལ་སོགས་སྤྱི་ཚོགས་ཀྱི་རྒྱབ་ལྗོངས་ཟབ་མོ་མཚོན་འདུག །བརྩམས་ཆོས་དེའི་མི་སྣ་གཙོ་བོ་པའོ་ཡུས་ལ་ངོ་ལོག་རྒྱབ་གཏད་ཀྱི་ཀུན་སློང་མངའ་བས་དུས་སྐབས་དེའི་ཡར་ཐོན་གྱི་བསམ་པ་དང་། དམངས་གཙོའི་ཐོག་མའི་འདུ་ཤེས། འདྲ་མཉམ་གྱི་ལྟ་ཚུལ། རང་ངོའི་རེ་བ་བཅས་མཚོན་ལ། དེར་སྐྱོ་འོས་པའི་རྣམ་པ་དང་འབྲལ་བར་དཀའ་བའི་སྡུག་བསྔལ་བའི་ཉོན་མོངས་ཡོད་ནའང་། དེས་བཀས་བཀོད་རྒྱུད་འཛིན་གྱི་སྤྱི་ཚོགས་ནང་ཁུལ་གྱི་རུལ་སུངས་དང་ཉམས་རྒུད་ཀྱི་རྣམ་པ་ཇི་མ་ཇི་བཞིན་དུ་མཚོན་ཡོད་དོ། །བརྩམས་ཆོས་དེས་སྲོལ་རྒྱུན་གྱི་བསམ་བློ་དང་རྩོམ་གྱི་འབྲི་སྟངས་ལས་བརྒལ་ནས་མི་གཤིས་སྣ་མང་ལ་ཁྱད་ཆོས་གསལ་བའི་རྣམ་པ་བཞེངས་སྐྲུན་བྱས་ཡོད་ཅིང་། ལྷག་པར་དུ་གཞོན་ནུ་མ་བརྒྱ་དང་བརྒྱད་ཀྱི་གཟུགས་སྐྱེ་འབྲས། ཕྱིའི་ཉམས་འགྱུར། ནང་གི་ཀུན་སློང་། ཞྭ་གོས་མནབ་ཚུལ། གཏམ་བརྗོད་དང་ཁ་འཛུགས། མཛའ་བརྩེ་དང་གདུང་སེམས། ཐ་ན་ཟས་ལ་རོལ་ཚུལ་དང་མཆི་མ་དཀུ་ལུགས་བཅས་སོ་སོའི་རྣམ་པ་མ་འདྲེས་པར་ཆུ་ལ་ཆུ་བཞག་པ་བཞིན་བྲིས་པས་རྩོམ་རྩལ་རྨད་དུ་བྱུང་འདུག །བརྩམས་ཆོས་འདི་ནི་རྩོམ་པ་པོ་རང་གི་མྱོང་ཚོར་ལྟར་དུ་རྟོག་བཟོ་བྱས་པ་ཞིག་ཡིན་མོད། འོན་ཀྱང་འཚོ་བ་དངོས་ལྟར་དུ་ཡིད་རྟོན་རུང་བས་འོ་མ་དང་ཆུ་བཞིན་དུ་འདྲེས་ཡོད། རྡོ་ཡི་བྱུང་བ་བརྗོད་པའམ་ཐོག་ཁང་དམར་པོའི་རྨི་ལམ་ཞེས་པ་འདིའི་བརྗོད་བྱའི་འཚོ་བ་རྒྱ་ཆེ་ལ། རྗོད་བྱེད་ཀྱི་ཚིག་ནི་ཟབ་ཅིང་ཞིབ་པས་ཀྲུང་གོའི་བཀས་བཀོད་རྒྱུད་འཛིན་སྤྱི་ཚོགས་ཀྱི་ཤེས་བྱ་ཀུན་འདུས་ཞེས་པའི་མིང་གི་གྲགས་པ་རྒྱས་ལ་འཕྲིན་ལས་ཤིན་ཏུ་དར། དེའི་ནང་གི་འཇིག་རྟེན་མི་ཆོས། རྒྱལ་ཁབ་ལམ་ལུགས། ཁྱིམ་གྱི་སྲོལ་ཀ །ཁྲིམས་སྲོལ་ལམ་ལུགས་འདུས་པའི་དོན་དག་འགངས་ཆེན། དཔོན་རིགས་ཀྱི་ལམ་ལུགས། གུས་ལུགས་དང་ཡུལ་སྲོལ། ཆོས་ལུགས་དང་མཚན་ཉིད་རིག་པ། གྱོན་པ་དང་ཡོ་བྱད་ཀྱི་རིགས། བཟོ་བཀོད་དང་སྐྱེད་ཚལ། རོལ་མོ་དང་མིག་མངས། ཡིག་གཟུགས་དང་རི་མོ། སྙན་ཚིག་དང་ཟློས་གར། ཟས་ཀྱི་གཡོ་བསྐོལ་དང་སྨན་གྱི་སྡེབ་སྦྱོར་སོགས་མ་འདུས་པ་མེད་པས་སྲོལ་རྒྱུན་རིག་གནས་ཀྱི་ཉིང་བཅུད་དང་འཛམ་གླིང་རྩོམ་རིག་གན་མཛོད་ལས་རིན་བྲལ་གྱི་ནོར་བུ་ལྟ་བུར་སྣང་ངོ་། །

རྒྱལ་ཁབ་སོ་སོར་མི་རིགས་སོ་སོའི་སྐད་ཡིག་ཏུ་བསྒྱུར་ཟིན་པ་དེབ་མི་འདྲ་བ་དྲུག་ཅུ་ལྷག་ཡོད་ལ། རང་རེའི་བོད་ལ་མཚོན་ནའང་མཁས་དབང་ལོ་ཙཱ་བ་བསོད་ནམས་དཔལ་འབྱོར་དང་སྐུ་ཞབས་ངག་དབང་ཆོས་དར་གྱིས་སྔ་གཞུག་ཏུ་ལེའུ་བཞི་ཅུ་དང་བཅུ་ཅན་གཉིས་བསྒྱུར་ནས་དཔེ་སྐྲུན་བྱས་ཟིན་པ་དཔྱོད་ལྡན་གྱི་ཀློག་པ་པོ་ཚོའི་མིག་གི་དགའ་སྟོན་དང་རྣ་བའི་བདུད་རྩིར་གྱུར་ལ། དགའ་བ་དང་སྐྱོ་བའི་མྱོང་བའང་གཟུགས་ཅན་བཞིན་དུ་སྐྱེས་ཟིན་མོད། ཕྲན་གྱིས་སྒྱུར་ཁུལ་བྱས་པ་འདི་ནི་ཚའོ་ཞུའེ་ཆིན་གྱིས་སྐུ་དངོས་སུ་མཛད་ལ་ཀྲི་ཡན་ཀྲའེ་ཡིས་དཔྱད་མཆན་བཏབས་པའི་མ་ཕྱི་ལེའུ་བརྒྱད་ཅུའི་བདག་ཉིད་ཅན། རྒྱ་ཡིག་ཏུ་ཡིག་འབྲུ་ཁྲི་དྲུག་ཅུ་རེ་གཅིག་ལྷག་ཡོད་པ། ཕྱིས་སུ་མཁས་པ་ཁྲིན་ཝེ་ཡིང་དང་ཀའོ་ཨུ་སོགས་ཀྱིས་སྣོན་འཕྲི་དང་ཁ་གསབ་སོགས་ཀྱི་དྲི་མས་མ་གོས་པ་དེ་ཡིན། བཅོས་སླད་མ་བྱུང་བའི་གཞུང་འདི་བསྒྱུར་བ་ལ་སྣོན་སྒྱུར་དང་དོན་སྒྱུར་སོགས་ཀྱི་སྤྲོས་པ་དོར་ནས་རང་སོར་བཞག་པ་དང་། ཐད་ཀར་སྒྱུར་བ་ཁོ་ན་ལ་རྩལ་འདོན་བྱས་ཏེ་ཆུ་ལ་ཆུ་བཞག་པ་ལྟར་ཨེ་ཡོང་སྙམ་པའི་ཀུན་སློང་གིས་སྒྱུར་ཁུལ་བྱས་པ་ནི་གཙོ་བོ་ཀློག་པ་པོ་དཔྱོད་ལྡན་རྣམས་ཀྱི་ལྟ་ཕྱོགས་མི་འདྲ་བ་ལྟར་བཀླག་བདེ་བའི་ཆེད་དུའོ། །དཔེར་ན། འགའ་རེས་རྩོམ་གྱི་སྒྱུ་རྩལ་ཁོ་ན་ལ་དམིགས་ཏེ་བལྟ་བ་དང་། ལ་ལས་ཚིག་གི་སྡེབ་སྦྱོར་གཙོར་འདོན་བྱས་ཏེ་བལྟ། ཁ་ཅིག་གིས་ལོ་རྒྱུས་ལ་ཞིབ་འཇུག་གི་ཚུལ་དུ་བལྟ། འགའ་རེས་རང་གི་མི་ཚེའི་འཚོ་བ་དང་སྦྱར་ནས་བལྟ། འགའ་རེས་གཞོན་ནུའི་བརྩེ་དུང་མཚོན་ཚུལ་ལ་བལྟ། ལ་ལས་མཆོག་དམན་བར་གསུམ་བར་གྱི་མིའི་འབྲེལ་བ་ལ་བལྟ། འགའ་རེས་བྱིས་པ་གཞོན་ནུའི་འཚར་ལོངས་བྱུང་ཚུལ་ལང་ཚོའི་རྒྱལ་ཁམས་བཞིན་བལྟ། ལ་ལས་ནི་ནང་པ་སངས་རྒྱས་ཀྱི་ཆོས་ཀྱི་སྡོམ་བཞི་ལྟར་བལྟའོ། །དེ་བས་སོ་སོའི་བསམ་པའི་ཀུན་སློང་བཀང་བ་ལ་ཐད་སྒྱུར་ཁོ་ན་མཆོག་པར་སེམས་སོ། །སྐབས་འདིར་བརྩམས་སྒྲུང་བཅོས་སླད་ཅན་གྱི་འགྱུར་འཕྲོ་མ་གཉིས་ལའང་ཟུར་ལྟ་ཅུང་ཙམ་རེ་བྱས་པས་འདིར་གསལ་བཤད་བྱས་པ་དང་ཆབས་ཅིག་ཏུ་ཁོང་རྣམ་པ་གཉིས་ལ་བཀའ་དྲིན་ཞུས་པ་ལགས།

《红楼梦：汉藏对照》（1-8册）作者 | 曹雪芹译者 | 果洛南杰

书号 | ISBN 978-7-105-17188-0/I·3252 定价 | 660元出版发行 | 民族出版社

《红楼梦》作者一代文豪曹雪芹（约公元1715年—1763年），姓曹，名霑，字梦阮，号雪芹。他于清康熙五十四年（公元1715年，藏历第十二饶迥木阴羊年）出生在南京，为曹顒和马氏之子。在康熙、雍正两朝，曹家祖孙三代四人主政江宁织造五十八年，家世显赫。康熙帝六次巡视江南，曹家四次接驾。曹雪芹的曾祖父曹玺之妻孙氏做过康熙帝的乳母，祖父曹寅做过康熙帝的伴读和御前侍卫，后任江宁织造。曹雪芹自幼博览群书，尤爱读诗词歌赋、戏文小说之类的文学书籍，对戏曲、美食、养生、医药、茶道、织造等百科文化知识和技艺莫不旁搜杂取。其著作除《石头记》（后称《红楼梦》）外，尚有《废艺斋集稿》，共八册，内容涵盖印刻、编织、园林、风筝、烹调、脱胎手艺、印染等多种传统技艺，现仅存其中一册《南鹞北鸢考工志》的部分内容。康熙帝驾崩后，雍正帝继位，至雍正五年（公元1727年）曹雪芹十三岁时，时任江宁织造员外郎的叔父曹頫因骚扰驿站、织造亏空、转移财产等罪被革职入狱，次年正月元宵节前被抄家。曹雪芹随全家迁居北京，曹家从此一蹶不振，日渐衰微，其锦衣纨绔、富贵风流的公子哥生活一去不复返。乾隆十二年（公元1747年），时值三十三岁的曹雪芹便开始隐居北京香山达十载，在此期间写成了八十回的文学巨著《红楼梦》。

《红楼梦：汉藏对照》（1-8册）作者 | 曹雪芹译者 | 果洛南杰

书号 | ISBN 978-7-105-17188-0/I·3252定价 | 660元出版发行 | 民族出版社

《红楼梦》这部作品是中国最后一个封建王朝——清朝时期文学的巅峰之作，堪称“中国封建社会的百科全书”“传统文化的集大成者”。毛主席曾评价此书“不仅要当作小说看，而且要当作历史看”。该小说以贾、史、王、薛四大家族的兴衰为背景，以富贵公子贾宝玉的视角，以贾宝玉与林黛玉、薛宝钗的爱情婚姻悲剧为主线，描绘了一众闺阁佳人的人生百态，展现了真正的人性美和悲剧美，是一部全方位展现中国古代社会百态的史诗性著作。作品中的主人公贾宝玉具有坚韧的反抗精神，代表着那个时代朴素的民主思想和平等观念。作品虽不乏悲情的一面及骄奢淫逸的场面，但真实揭露了封建社会后期的种种黑暗和罪恶，对腐朽的封建统治阶级和行将崩溃的封建制度作了有力的批判。《红楼梦》对中国传统思想和艺术创作手法多有突破，塑造了众多富有个性的人物形象，尤其对性格迥异的108位女子之容貌、情态、心理、服饰、饮食等生活细节的刻画生动传神，彰显了作者无与伦比的文学功底。《红楼梦》语言优美，内涵丰富，描绘了上至皇宫、下及乡村的广阔历史画面，深刻地反映了封建社会末期复杂的矛盾冲突，揭示了封建贵族的本质特征和封建社会必然衰败的历史命运。其中展现的世俗伦理、国家制度、平民日常、礼制礼仪、封建吏治、宗教哲学、服饰文化、琴棋书画、园林建筑、诗赋戏曲等内容，充分印证了其无愧于“具有世界影响力的人情小说、中国封建社会的百科全书”之美誉。

《红楼梦：汉藏对照》（1-8册）作者 | 曹雪芹译者 | 果洛南杰

书号 | ISBN 978-7-105-17188-0/I·3252定价 | 660元出版发行 | 民族出版社

正因为如此，《红楼梦》被翻译成很多种语言文字，先后出版了六十余种译本。就藏文译本而言，有藏族翻译家索朗边觉及阿旺曲达两位先生翻译的三十回本及十回本两种，深受藏语读者的欢迎及好评。笔者此次所译，乃曹雪芹原著、脂砚斋评点的八十回本。此版本未经程伟元、高鹗增删，是《红楼梦》真正的原本或底本。翻译过程中，部分译文参考了上述两种节译本，在此向两位前辈致以诚挚的谢意！

扫描购买